Foto: Vibeke Teigen.
TERRASSEN
På toppen av GULLHAUG ligg denne terrassen med fantastisk utsikt over halve Sunnhordland. Bordoppdekning for inntil 40 personar. Ikkje tak over. Straum og vatn.
Salsbod med diverse utstyr for å handtera og servera mat og drikke. Fungerer gjerne som kiosk på utvalde fine dagar.
I ein kvit kasse ligg det ei gjestebok. Der kan du skriva litt om opplevingane dine i FATLANDSKOGEN.
30.08.2024
KAPELLET
Dette vesle kapellet har 8-10 sitjeplassar inne, men sidan ein del av veggen kan skuvast til side, kan kapellet fungera som scene, mens gjestene sit ute. Straum.
Benker med 100 sitjeplassar ute. Alternativt kan det setjast opp paviljongar med 72 sitjeplassar under tak.
Sjå meir under punktet KAPELLET i menyen øvst, ikkje minst om bryllaup, gullbryllaup og den type arrangement.
30.08.2024
Orgelkonsert i kapellet. Foto Atle Helland.
KONSERTOMRÅDET
Området frå porten og bort til kapellet, kallar me for Konsertområdet. Dette fordi området er spesielt godt tilrettelagt for konsertar, som det frivillige laget Gullhaugkonsertane står ansvarleg for.
Men området er like mykje lagt til rette for andre arrangement. Bryllaup, gullbryllaup, dåp, minnestunder, er eksempel på arrangement som gjerne vil bruka kapellet først. Deretter flyttar dei seg under tak, der det blir matservering, pluss eventuelle opptredenar på scenen.
Konsertar, jubileum, fødselsdagar, spin-off-arrangement, blåturar, seminar, møte, mm, er typar arrangement som normalt ikkje bruker kapellet, men resten av Konsertområdet er perfekt for dei. Og med blomsterhagen og utsiktsterrassen på toppen som ramme, kan det vel ikkje bli stort betre?
I dag er området slik du ser på bildet ved sida av her, frå ein konsert sist sommar. Kapellet lengst borte, scenen nærmast, og flyttbare paviljongar som tribune i midten. Det er 100 sitjeplassar inne i paviljongane, under tak, og like mange ute. Straum og vatn finst her.
Får me det som me vil framover, skal dette området vera langt meir perfekt når sommarsesongen 2025 kjem. Det er planlagt eit servicebygg med toalett, stellerom, kontor, vaskerom og lager. Det kjem heilt til høgre i bildet, ved den knallgule jenta. Det vil også komma eit lite utekjøken under tak.
Dei mobile paviljongane vil bli erstatta med eit permanent tribunebygg, som då kan ha 140 sitjeplassar under tak, når stolane er sette opp i konsertmodus. Like mange kan det sitja på benker og stolare ute.
På bildet under ser du korleis me har planlagt at det blir, med scenen oppe til venstre (med eit lite dansegolv framom), kapellet heilt til høgre, servicebygget nedst til høgre, og kjøkenet nedst til venstre. Her er det møblert i bryllaupsmodus, med middagsoppdekning for 40 bryllaupsgjester. Kapasiteten for bryllaup vil vera rundt 60 totalt, med ei litt anna møblering.
Veggluka i kapellet er her open, slik at gjestene kan sitja på benker ute og følgja med på brureparet, presten/ordføraren og organisten under seremonien. Viss det regnar, kan dei heller sitja inne og sjå ut gjennom den opne skyvedøra i veggen, mot kapellet. Gjennom skyvedøra kjem så omsider brureparet inn, over den raude løparen.
Her er også fem mobile paviljongar sette fram, for å vareta funksjonar som gåvebord, kakebord, barbord, kvilesalong, etc.
Har du lyst til å studera denne modellen nærmare, interaktivt? Klikk då her, og boltra deg i bildet på ein artig måte. Vent litt, til modellen har lasta ferdig. Då kan du bruka funksjonane som du finn i bildet nede til høgre. Prøv alle. Tips: Bruk gjerne piltastene.
14.11.2024
SOLKROKEN
Har sitjeplass til 50 personar. Er utstyrt med talarstol, dessutan mini-scene for intimkonsertar. Straum og vatn.
Bilda er frå friluftsgudstenesta 18. mai 2023.
30.08.2024
GRILLPLASSEN
Grillplassen på bildet er framleis under opparbeiding, og det er enno ikkje heilt bestemt korleis denne plassen skal bli, og kva funksjonar han skal dekka. Kanskje blir det eit overbygd tak på venstre delen der bilen står, kanskje ikkje.
Eit festivaltoalett er i dag plassert utanfor høgre bildekant. Straum og vatn.
I bakkant av bildet, der det veks masse bjørk pluss ei stor eik, er TROLLHAUGEN. Me har spenstige idéar for dette området også, men det får me eventuelt komma tilbake til seinare.
09.10.2024
NATURSCENEN
Denne arenaen ligg eigenteg utanfor GULLHAUG, i NATURSTIEN, men berre 600 meter unna. Den har scene med tak, og 150 sitjeplassar utan tak, medrekna nokre lause benker. Pluss ein del ståplassar. Straum.
Arenaen eignar seg godt for konsertar og andre arrangement når det er kald vind, fordi her er det ganske lunt, på grunn av terrenget og skogen på alle kantar.
Bilda viser opningskonserten 4. desember 2022.
05.12.2024
Foto: Hildegunn Ruud.
