GRILLPLASSEN
Grillplassen i framgrunnen er her under opparbeiding, men blir truleg klar før sommaren 2024. Her vil det vera grill, og råd å dekka opp til 40-50 personar. Ikkje tak over førebels.
Eit festivaltoalett er plassert ved sida av GRILLPLASSEN.
Bak buskane til venstre, midt i bildet, ligg SOLKROKEN, og på toppen ligg TERRASSEN. Sjå omtale av desse nedanfor.
07.08.2023
SOLKROKEN
Har sitjeplass til 50-60 personar. Er utstyrt med talarstol, dessutan mini-scene for intimkonsertar. Demonterbart tak kan setjast over sitjeplassane ved behov.
Bilda er frå friluftsgudstenesta 18. mai 2023.
27.06.2023
Foto: Vibeke Teigen.
TERRASSEN
På toppen av GULLHAUG ligg denne terrassen med fantastisk utsikt over halve Sunnhordland. Bordoppdekning for inntil 40 personar. Ikkje tak over. Salsbod med diverse utstyr for å handtera og servera mat og drikke.
I ein kvit kasse ligg det ei gjestebok. Der kan du skriva litt om opplevingane dine i FATLANDSKOGEN.
19.03.2024
KAPELLET
Dette vesle kapellet har 8-10 sitjeplassar inne, men sidan ein del av veggen kan skuvast til side, kan kapellet fungera som scene, mens gjestene sit ute. Plass til inntil 200 personar ute, på individuelle stolar. Mulighet for tak over ein del av desse.
Sjå meir under punktet KAPELLET i menyen øvst, ikkje minst om bryllaup, gullbryllaup og den type arrantement.
27.06.2023
Kapellet brukt som scene. Foto: Vibeke Teigen.
KAPELLPLASSEN
Plassen mellom kapellet og det kvitvaska fjellet er ein arena for seg sjølv, fordi det er planlagt ein liten scene inn mot haugen, i nedste venstre hjørne på bildet.
Då har ein valet mellom denne eller kapellet som scene, avhengig mellom anna av vêr og vind. Det er ofte lunare inn mot fjellet.
Golvet som ligg utover til høgre kan enkelt flyttast dit ein treng det. Det gir perfekt underlag for bord og stolar og anna møblement.
KAPELLPLASSEN kan handtera inntil 300 gjester. Ved dårleg vêr kan 60-100 av desse vera under tak, i buer som er flyttbare. Kvar bu har plass til 12 personar i konsertmodus, eller 8 viss dei skal sitja til bords.
10.07.2023
NATURSCENEN
Denne arenaen ligg eigenteg utanfor GULLHAUG, i NATURSTIEN, men berre 600 meter unna. Den har scene med tak, og 100 sitjeplassar utan tak. Pluss ein del ståplassar.
Arenaen eignar seg godt for konsertar og andre arrangement når det er kald vind, fordi her er det ganske lunt, på grunn av terrenget og skogen på alle kantar.
Bilda viser opningskonserten 4. desember 2022.
10.07.2023
Foto: Hildegunn Ruud.
Foto: Fabian Ruud.
Foto: Sunniva Lind T. Gjerde.
