Det frivillige laget GULLHAUGKONSERTANE vart skipa våren 2023, med føremål å arrangera konsertar på og ved GULLHAUG på Fatland på Halsnøy.
Nedanfor står aktuelt stoff om sesongen. Lengst nede finn du info om korleis du melder deg inn i laget. Medlemmer går gratis inn på alle laget sine konsertar.
Laget er også aktive på Facebook.
FINANSIERING
Sponsorar for 2025 er desse:
SPAREBANKEN NORGE
TYSNES SPAREBANK
KVINNHERAD KOMMUNE
Me takkar på det varmaste for all støtte! Desse pengane, saman med billettinntekter og medlemskontingent, set oss i stand til å skaffa gode musikarar, funksjonelt lydutstyr og anna nødvendig utstyr, betre plass, mm.
Om du kan, så hjelper du oss kanskje med å skaffa sponsorar? Og meld deg inn som medlem. Gi også gjerne eit medlemsskap til nokon som fortener det.
Hjelp oss gjerne med å finna sponsorar for 2026!
KONSERTANE I 2026
Påskekonserten samla rundt 220 personar i år. Det er rekord, noko som lovar godt for resten av sesongen.
Sommarkonsertane startar i midten av juli og går over fem søndagar. Program for desse kjem på plass i løpet av juni.
21.05.2026
Anne Sofie spelar neverlur på påskekonserten.
KONSERTANE I 2025
Sommarkonsertane hadde eit snitt på rundt 115 frammøtte kvar gong, med 170 som det meste. Dette snittet er som i fjor, så konsertane har absolutt funne si form og sitt publikum.
På grunn av eit ufyseleg vêr om natta og føremiddagen, var det berre 80 som tok turen til skogs under Førjulskonserten denne gongen. Men dei hadde ei fin stund, for vêret tok seg kraftig opp.
30.11.2025
KONSERTANE I 2024
Du finn referat frå alle konsertane våre i 2024 ved å klikka på knappen nedanfor.
Det starta med gratis påskekonsert ved NATURSCENEN i NATURSTIEN.
Frå søndag 14. juli gjekk sommarkonsertane på GULLHAUG, fem søndagar på rad.
Målet for sommarkonsertane var å få 100 gjester i snitt. Når resultatet blei 115, er me storleg fornøgde.
Og så avslutta me sesongen med Førjulskonsertmoro søndag 1. desember, ved NATURSCENEN, med heile 150 frammøtte, trass i fuktig vêr med vind. Gratis for alle, også for ikkje-medlemmer.
Ein kjempeflott sesong, med andre ord.
03.12.2024
KONSERTANE I 2023
Den 16. juli, og dei neste fire søndagane, hadde me ettermiddagskonsertar ved kapellet på GULLHAUG. Det var over 50 tilhøyrarar i snitt på kvar konsert, og det var faktisk målet vårt for denne første sesongen.
Den 4. desember hadde me gratis førjulskonsert ved NATURSCENEN i NATURSTIEN.
Les om konsertane 2023 ved å klikka på knappen nedanfor.
21.08.2023 oppdatert 27.05.2024
OM GULLHAUGKONSERTANE
GULLHAUGKONSERTANE er ein medlemsorganisasjon, skipa våren 2023, som er registrert i Frivillighetsregisteret, med organisasjonsnummer 931 510 223.
Føremålet med laget er å arrangera konsertar for medlemmane, på og ved GULLHAUG på Fatland, på Halsnøy, i Kvinnherad kommune. Informasjon om laget og konsertane finn du på denne nettsida, og på laget sin Facebook-konto.
Medlemmane går gratis inn på konsertane. Alle kan bli medlemmar i laget ved å betala årskontingent på 600 kroner til bankkonto 3525 26 09022, eller til Vipps 81 98 76. Også ikkje-medlemmar er velkomne på konsert, men dei må betala inngangsbillett. For 2026 er den 200 kroner.
Laget er registrert som Grasrotmottakar hos Norsk Tipping. Dermed kan du støtta laget litt ekstra ved å gå inn på www.norsk-tipping.no og velja GULLHAUGKONSERTANE som din grasrotmottakar.
GULLHAUGKONSERTANE vil gjerne ha bedrifter inn som faste sponsorar.Styret i laget for 2025 er Torvald Gjerde (leiar), Viggo Agdestein og Per Ove Kviteberg, med Ingebjørg Særsten som vara. Torvald har epost torvaldgj@gmail.com og telefonnummer +354 869 8133.
Det er i desember 2024 inngått ny skriftleg samarbeidsavtale med grunneigar, der laget betaler leige for bruken av området. Avtalen gir laget rett til å arrangera konsertar og andre liknande arrangement, og rett til å driva salg av kioskvarer mm i samband med desse arrangementa. Alle inntekter tilfell laget.
Me har planar for utvikling av Konsertområdet utover i 2026, viss me får alle krefter til å spela på lag. Er du interessert, kan du studera denne modellen.
03.04.2026
