NB! INNHALDET PÅ DENNE SIDA ER FRAMLEIS UNDER REDIGERING OG INFORMASJONEN NEDANFOR DERFOR IKKJE PÅLITELEG PER I DAG!!! SJÅ PÅ DET MEIR SOM EIT UTKAST TIL EIN KLADD.
Heile GULLHAUG var i bruk då Bryne-russen frå 1967 besøkte oss i august 2024. Det var ikkje måte på kor mykje dei skrytte av anlegget og programmet. Rundt 50 deltakarar, nett passe, men med god plass til nokre fleire. Foto Atle Helland.
LEIGE AV OMRÅDET
I sommarhalvåret kan du leiga GULLHAUG for ein basis leigepris på 1000 kroner per dag, eller del av dag.
Du disponerer då heile området innanfor gjerdet. Utanfor porten vil det stå skilt om at det er privat arrangement, og at publikum derfor ikkje har tilgjenge denne dagen. Eventuelt kan skiltet stå ein stad inne på området, viss det berre er ein del av området du skal disponera.
Heile arrangementet organiserer og utfører du sjølv, med rigging, oppdekking, mat, underhaldning og aktivitetar, utan assistanse frå oss.
Ingen bygningar er tilgjengelege, bortsett frå det som står i vilkåra til høgre. I spesielle høve kan kapellet etter avtale vera ope for innsyn, men ikkje for bruk.
Me har ikkje per i dag serveringsløyve eller skjenkeløyve, så alt med mat og drikke må du ordna med sjølv. Me går ut frå som sjølvsagt at det ikkje blir servert meir drikkevarer enn at alt går for seg i ryddige former. Blir noko øydelagt på området, må det erstattast.
Ver merksam på at det per i dag er avgrensa toalettfasilitetar, med berre eit festivaltoalett. Dette håpar me å få ei betre ordning på innan 2025-sesongen startar.
Viss du treng meir frå oss, kan me levera nokre tilleggstenester, sjå nedanfor. Prisen for desse kjem i tillegg til basisprisen ovanfor.
Du må sjølv rydda fullt og heilt opp etter deg, med mindre du bestiller tilleggstenester som dekkar dette. Bossdunkar for restavfall er utplasserte, men andre typar avfall må du ta med deg heim. Er ikkje ryddearbeidet gjort skikkeleg, får du tilleggsfaktura.
Eit tips: Er det ein konsert eller eit foredrag du vil arrangera, treng du ikkje meir regnly enn det som finst. Skal du derimot ha fest med matservering, er det lurt å ha eit telt eller tre i reserve, i tilfelle dårleg vêr. Dette må du vurdera nøye, og dette tar du deg av sjølv.
24.09.2024
DETTE ER INKLUDERT I LEIGA
Inkludert i basisleigeprisen er dette:
- Området er fint rydda frå vår side, så langt vêr og årstid gjer det mogleg.
- I paviljongane på SCENEPLASSEN står det bord og stolar til disposisjon, for inntil 64 personar, under tak. Det står også eit mindre kombiskap kjøl/frys til disposisjon.
- Utanfor paviljongane står det benker som du kan bruka på området, etter ditt eige opplegg.
- Toppterrassen disponerer du, med dei møbela som står der, men ikkje kiosken.
- Scenen disponerer du.
- Straumuttak finst 5 stader på området. Leidningar legg me ut derifrå, til dit du treng straum.
- Vassuttak finst 7 stader på området, men dette er ikkje godkjent som drikkevatn per i dag. Du kan enten koka det, eller du kan ha med deg drikkevatn.
- Festivaltoalettet disponerer du.
31.08.2024
UTSTYR PÅ SCENEN
Treng du piano, mikrofon og høgtalaranlegg på scenen? Dette kostar 500 kroner ekstra. Alternativt ordnar du med slikt utstyr sjølv, då kostar det ingen ting.
Kyrkjeorgel kan òg diskuterast, viss du har ein kyndig organist.
31.08.2024
Det er alltid godt å ha piano, mikrofon, forsterkar og høgtalarar på ein scene under arrangement. Her konsert i august 2024.
Standard oppdekking for festleg lag, bortsett frå at trekk på stolane ikkje skal vera med, heller ikkje brus. Det skal derimot teskeier i gull vera.
OPPDEKKING FOR FESTLEG LAG
Me kan ordna med oppdekking for deg, viss du ikkje vil gjera det sjølv.
For ein pris av 900 kroner, pluss 70 kroner per person, kan me i paviljongane på SCENEPLASSEN stilla opp bord og stolar for inntil 64 personar, under tak. Desse er fordelte med 8 plassar i kvar av dei 8 paviljongane.
Borda vil vera dekka med kvit duk og blomstervasar, med blomar etter årstida. Bestikk i gull. Kvite papptallerkar (for å unngå knusing). Vinglas i sterk plast. Serviettar med teksten 'Velkommen til Gullhaug'. Kommunalt drikkevatn, servert i mugger på borda, og kanner med ekstra vatn for etterfylling.
Du syter sjølv for mat og servering, pluss alle drikkevarer. Stor gassgrill er disponibel. Alternativt kan du ha catering, sjå nedanfor.
Me ryddar området etter deg, inkludert bosshandtering (bio, rest og papir i separate dunkar), oppvask og reingjering elles.
31.08.2024
LUKSUSOPPDEKKING
Vil du ha ekstra stas og eleganse over arrangementet ditt, kan du som tillegg til oppdekkinga ovanfor få det, for 60 kroner per person.
Du får då kvite trekk på alle stolane, med sløyfe (i gull, rosa eller lyseblått) rundt kvar stol. Inkludert er også tallerkar i kvit porselen. Finare blomsterdekorasjon på borda enn for standard oppdekking.
Det skapar endå meir høgtid med dette vesle ekstra.
31.08.2024
Luksusoppdekning til 17. mai i 2022, med trekk og sløyfe på stolane, og kvitt porselen, og ekstra pynt på bordet.
Her er det Tommy Persson frå BraLunsj som gjer seg klar for grilling på GULLHAUG. August 2024. Foto Atle Helland.
CATERING
Du syter normalt for mat, matlaging eller catering sjølv. Det kan vera grilling med eigen grillkokk. Eller smørbrød/snittar. Eller tapas. Eller gryterett. Eller streetfood. Eller kanskje noko heilt anna.
Og så kan det vera kakebord etterpå. Eventuelt vaflar eller lappar. Eller berre is.
Vil ha catering, så bestiller du frå den leverandøren du måtte foretrekkja. Eit tips er BraLunsj, som har hovudkjøkenet sitt her på Halsnøy, sjå meir på nettsida deira.
31.08.2024
ARRANGEMENT I KAPELLET
Leigeprisen for eit arrangement i kapellet er kr 3 000,-. Inkludert i denne prisen er då:
- Ferdig pynta og oppvarma kapell, med blomar og gullfarga levande lys, inntil 10 stolar, avhengig av møblering elles.
- Pynta ute rundt kapellet, med blomar, eller med flagg utanom blomstersesongen.
- Brurebilde eller anna aktuelt bilde (send oss fil eller bilde), oppstilt i gullramme, sjå bildet.
- Brurebukett og matchande lommepynt, tilsvarande dei du ser i galleriet på eiga side om gullbryllaup. Eventuelt annan blomstervariant som måtte høva betre.
- Enkel servering av kaffi, brus og kake etterpå for inntil 12 personar. Dette kan eventuelt skje i to av paviljongane utanfor kapellet.
- Gullfarga serveringsvogn med 12 champagneglas, og alkoholfri champagne, sjå galleriet om gullbryllaup. Vil du heller ha alkoholhaldig champagne, syter du for denne sjølv.
- Sitjeplassar på benker i friluft utanfor kapellet for inntil 100 personar. Veggluka kan vera open, slik at publikum kan følgja med på det som skjer inne.
- Høgtalaranlegg for å få lyden ut til dei som sit ute. Ved dårleg vêr kan publikum sitja i paviljongane, då med høgtalarane plasserte der. Publikum vil då ikkje kunna sjå inn gjennom kapell-luka, men dei vil høyra alt.
Musikk, prest, visevert eller anna manuell teneste er ikkje inkludert. Dette må du sjølv syta for, eller du kan få oss til å ordna det, sjå nedanfor.
Les meir om bruk av kapellet her.
Hugs at Fatland grendahus er ein ypperleg alternativ stad å arrangera festen din etter seremonien i kapellet, viss du treng å vera innandørs, spesielt i den kaldaste årstida. Også der kan du styra alt sjølv, eventuelt saman med eit cateringfirma. Les meir om grendahuset her.
31.08.2024
I ramma er brurebilde av brureparet, frå bryllaupet deira, som var for 50 år sidan. Bildet er frå gullbryllaup i mars 2023. Foto Atle Helland.
Torvald ved orgelet i kapellet, med veggluka open. August 2023.
MUSIKK OG UNDERHALDNING
Me kan stilla med musikar (kyrkjeorgel, keyboard, trekkspel, el-piano). Dette tilbodet må avklarast i kvart tilfelle, også prisen, då det ikkje alltid vil høva for oss. Prisen for musikar er fritatt for mva.
Musikar frå vår side vil normalt vera Torvald Gjerde. Han spelar kyrkjeorgel, trekkspel, piano og keyboard. Arne Gjerde kan òg vera aktuell innimellom, på keyboard og/eller som toastmaster. Sjå kontakt-info lengst nede.
Kyrkjeorgel og piano er normalt plassert på scenen, og dei skal brukast der. Å flytta orgelet mellom scene/kapell er ein ganske tungvint jobb, så dette vil kosta deg 900 kroner ekstra.
Andre former for underhaldning kan me ordna etter avtale.
31.08.2024
ANDRE OPPLYSNINGAR
Berre spør oss, me ordnar det meste. Anten via eigne krefter, eller me får tak i det du måtte ha bruk for hos andre.
NB! Me tek atterhald om endringar på kort varsel i vilkåra som er beskrivne på denne nettsida. Endringar blir likevel sjølvsagt ikkje gjorde for ein avtale som alt er inngått.
Ta kontakt med ARNE.GJERDE@OUTLOOK.COM, evt på telefon 938 17 200.
Om musikk kan du like gjerne snakka med broder Torvald, på TORVALDGJ@GMAIL.COM, telefon +354 869 8133.
31.08.2024
Her har Arne rolla som visevert, ein jobb han ikkje ofte tar på seg lenger, av helsemessige grunnar. Foto: Anna Gjerde.